Услови за користење и купување

Оваа интернет продавница е во сопственост на АГНЕСА Газмен ДООЕЛ увоз-извоз Битола, со седиште Дојран бр. 34, Битола, ЕМБС 5422183, ЕДБ 4002000141663. Таа овозможува пребарување, споредба и купување на производи. Користењето на страната и купувањето преку неа се предмет на условите подолу; ве молиме внимателно да ги прочитате пред да нарачате.

Општи услови

Со посета или купување преку интернет продавницата се согласувате со овие услови. Го задржуваме правото да ги менуваме условите; за секоја нарачка важат условите објавени во моментот на нарачката. Ако не се согласувате со условите, повелете во нашата продавница.

Агнеса го задржува правото називи, модели и други информации за производот да објавува на англиски јазик кога постои ризик од губење на битни информации при преводот или кога нема соодветна терминологија на македонски јазик.

Цени

• Сите цени се во денари со вклучен ДДВ.
• Важи цената прикажана во моментот на нарачката; подоцнежна промена на цената не влијае на веќе направена нарачка.
• Акциите на сајтот важат во означениот период и под условите објавени на страницата на акцијата.
• Најавените купувачи со одобрени посебни услови (мајстори, фирми) ги гледаат и плаќаат своите цени.
• Цената на доставата се гледа во кошничката и пред потврдата на нарачката. Подетално: Достава и подигање.

Нарачка

• Нарачка може да направите и без регистрација; потребни се име, телефон и, за достава или за вирманско плаќање (профактура), адреса; за профактура на фирма и назив на фирмата и ЕДБ.
• Пред да ја испратите нарачката, на екранот ги гледате производите, цените, доставата и вкупниот износ и можете да ги поправите внесените податоци. Нарачката ја праќате со копчето „Нарачај со обврска за плаќање“ (кога ќе биде овозможено плаќање со картичка: „Нарачај и плати“).
• Веднаш по нарачката ја гледате страницата со бројот на нарачката и ви праќаме потврда на е-пошта: деталите на нарачката, овие Услови (PDF, во верзијата што важи за вашата нарачка), упатството и образецот за откажување. Ако не внесете е-пошта или потврдата не може да ви се испорача, ја добивате печатена со пратката или при подигањето. Кај плаќање со картичка, потврдата ја праќаме откако банката ќе го потврди плаќањето. За нарачката ве повикуваме и на телефон.
• Договорот се склучува на македонски јазик.
• Количините на производите се ограничени. Ако производот во меѓувреме е распродаден, ќе ве известиме и нарачката ќе биде изменета или откажана, без трошок за вас.
• Нарачката можете да ја откажете без трошок сè до нејзиното испраќање: јавете ни се на +389 71 375 290 или пишете на info@agnesa.mk. По испраќањето важи правото на откажување подолу.
• При технички проблем или очигледна грешка во цената или описот, Агнеса може да ја одбие нарачката; ако веќе сте платиле, ви ги враќаме парите.

Плаќање

• При достава: во готово, на доставувачот.
• При подигање во продавница: во готово или со картичка.
• Вирмански, по профактура (за физички и правни лица): профактурата ја симнувате веднаш по нарачката, а уплатата ја правите на една од нашите трансакциски сметки во рокот наведен на профактурата. Нарачката ја испраќаме или ја издаваме во продавница по приемот на уплатата; ако уплатата не стигне во рокот, нарачката може да се откаже.
• По фактура: само за фирми со одобрени услови.
• Онлајн плаќање со картичка засега не е овозможено.

Достава

• Доставуваме на територијата на Република Северна Македонија, на адресата наведена во нарачката.
• Рокот за достава е од 2 до 7 дена од потврдата на нарачката. Во сабота попладне, недела и на државни празници не се доставува.
• Цената на доставата зависи од производите во нарачката; цените и праговите за бесплатна достава се на страницата Достава и подигање.
• Пред доставата доставувачот ве контактира на оставениот телефон.
• Тешките и габаритните пратки ги предаваме од возилото, на најблиското место до кое возилото може да пристапи.
• Подигањето од продавницата е бесплатно.

Прием на производите

При приемот, ве молиме проверете ја пратката. Ако забележите оштетување или нешто недостасува, кажете му на доставувачот. Ако го забележите подоцна (на пример при отпакување), јавете ни се што побрзо на +389 71 375 290. Замената на производ оштетен при транспорт или испорачан некомплетен е без трошок за вас. Со производот добивате фискална сметка или фактура и, каде што постои, гарантен лист и упатство.

Право на откажување (повлекување од договорот)

Ако купувате како потрошувач (физичко лице, за лична употреба), од договорот склучен преку интернет продавницата можете да се откажете во рок од 14 дена, без да наведете причина. Рокот почнува од денот кога вие или лице што ќе го одредите (освен доставувачот) ќе ги примите производите; ако нарачката стигне во повеќе пратки — од денот кога ќе ја примите последната.

• Како: испратете ни јасна изјава дека се откажувате — најлесно по е-пошта на info@agnesa.mk (можете и со одговор на потврдата за нарачката), со писмо до АГНЕСА Газмен ДООЕЛ увоз-извоз Битола, Дојран бр. 34, Битола, или лично во продавницата на Бурса бр.42, Битола, со бројот на нарачката. Можете да го користите образецот за повлекување од договорот (подолу; го добивате и со потврдата за нарачката), но не мора. Рокот е запазен ако изјавата ја испратите пред да истечат 14-те дена.
• Враќање на производите: најдоцна 14 дена од денот кога ќе ни соопштите дека се откажувате — во продавницата на Бурса бр.42, Битола или со доставувач до истата адреса. Рокот е запазен ако ги испратите пред да истечат 14-те дена. Трошокот за враќање го плаќате вие, освен ако производот е неисправен или погрешно испорачан.
• Враќање на парите: ви ја враќаме целата уплата, вклучително и трошокот за стандардна достава, без одлагање, а најдоцна 14 дена од денот кога ќе дознаеме дека се откажувате — на истиот начин на кој сте платиле (кај готовина или вирман — на трансакциската сметка што ќе ни ја дадете), без надоместок за вас. Враќањето може да го задржиме додека не ги примиме производите или доказ дека се испратени, што ќе се случи прво.
• Намалена вредност: одговорни сте само за намалената вредност на производите ако се користени повеќе отколку што е потребно за да се провери нивната природа, својства и функција.
• Исклучок: правото на откажување не важи за производи сечени или изработени по мерка или по ваше барање.

Замената на производ во продавница е опишана во Замена и враќање на производ.

Образец за повлекување од договорот

(пополнете го и испратете ни го само ако сакате да се откажете од договорот)

До: АГНЕСА Газмен ДООЕЛ увоз-извоз Битола, Дојран бр. 34, Битола · е-пошта info@agnesa.mk · телефон +389 71 375 290

Со ова известување јас/ние (*) се откажувам/се откажуваме (*) од договорот за продажба на следниве производи: ____________________

Нарачка број __________, нарачано на __________ / примено на (*): ____________________

Име и презиме на потрошувачот/потрошувачите: ____________________

Адреса на потрошувачот/потрошувачите: ____________________

Потпис на потрошувачот/потрошувачите (само ако образецот се праќа на хартија): ____________________

Датум: ____________________

(*) Прецртајте што не е соодветно.

Гаранција

Секој производ има гарантен рок одреден од производителот, наведен во гарантниот лист. Гаранцијата не важи ако нема гарантен лист или доказ за купување (фискална сметка или фактура), ако производот е поправан во неовластен сервис, ако дефектот настанал со неправилна употреба или ако производот е физички оштетен. Гаранцијата не ги покрива деловите со ограничен рок на траење. Ова не ги ограничува вашите законски права како потрошувач.

Како продавач, по закон одговараме за несообразност на производот што ќе се покаже во рок од 2 години од предавањето, независно од гаранцијата на производителот. На потрошувачките приговори одговараме најдоцна за 15 дена од приемот.

Поддршка

За прашања околу нарачките јавете се на +389 71 375 290 (Пон–Саб 8:00–16:00) или пишете на info@agnesa.mk.