Гипс картон плоча H13 влагоотпорна 12,5 mm Knauf

Гипс картон плочата H13 од Knauf е влагоотпорна гипсена плоча тип H2 со дебелина 12,5 mm, наменета за сувомонтажни системи во влажни простории. И јадрото и картонот се импрегнирани против впивање на влага, па плочата не бабри и не омекнува од пареата во бања или кујна. Картонот е зелен, со син печат на задната страна, така што на градилиште веднаш се знае кој ѕид е направен со влагоотпорна плоча. Се монтира на CW/UW или CD/UD профили како и стандардната плоча.

Предности

• Импрегнирано јадро и картон – намалено впивање на влага, плочата останува стабилна при кратки периоди на влажност.
• Дебелина 12,5 mm – стандард за ѕидови и тавани, се сече со нож и се шрафи со TN 25 mm на профил.
• Ширина 1.250 mm – стандардна ширина што се совпаѓа со растерот на Knauf профилите.
• Зелен картон – лесно препознавање од стандардна бела плоча при монтажа и контрола.
• Подлога за плочки – со соодветна хидроизолација како Knauf Flächendicht врз плочата може да се лепат плочки.

Намена

• Бањи, тоалети и кујни во станови и куќи
• Преградни ѕидови и облоги во простории со кратки периоди на повишена влага
• Спуштени тавани во бањи и перални
• Подлога за керамички плочки во зона на туш кабина со хидроизолација

Често прашувано

Со што се фугира H13 плочата?
Со импрегнирана маса: Knauf Fugenfüller imprägniert со бандажна лента или Uniflott imprägniert на HRAK рабови. Стандардната маса не е предвидена за влажни простории.

Дали е водоотпорна?
Плочата е влагоотпорна, не водоотпорна. Во зоните каде директно паѓа вода, околу туш и када, задолжително се нанесува хидроизолација Flächendicht со лента во аглите пред плочките.

Може ли да се користи во цел стан?
Може, но за суви простории е доволна стандардната плоча A13. H13 е наменета таму каде има влага: бања, тоалет, кујна, перална.